S’est tentu martis calau in Orane un’ateru atopu pro sa presentatzione de su pianu de atzudos a sas comunas afurriu a sa zona industriale de Otzana.

Medas sos tzitadinos interessaos a s’argumentu, chi ana atu paritzas dimandas a sos responsabiles de sa Regione, in supra de sos benefitzios de su pianu.

Sa Regione, coment’est cosa notoria, ada bilanciau 4 miliones de euros, de partzire tra sas aziendas privas. Impignu picau dae sa giunta, apustis de sa preposta ata dae s’assessore de sa Programmazione, Raffaele Paci.

Sos tantos in dinare an’andare a impresas, novas o già presentes, chi cherene a mandare a inantis un’atividade de produzione o chi cherene aforticare cussa già presente. Pro custu cada dimanda imbià a sa Regione deped’essere acumpantzà dae un protzetu distintu e adatu pro s’attividade chi si cherede achere.

Su ‘e Orane est su segunu tra sos atopos del presentatzione de su pianu de sa Regione, apustis de cussu atu in Otzana. Nde sunu preventivaos ateros sese, in sas chidas vendidores, a sos cale ana a picare parte s’assessore Paci e sos diritzentes de s’assessorau.

Francesco Pirisi