domenica 24 giugno 2018, Aggiornato alle 10:54
Home > CRONACA, POLITICA E ATTUALITÀ > Su Dna de sos Sardos non si tocat. Su Garante at atzetadu in parte su ricursu de sos donadores

Su Dna de sos Sardos non si tocat. Su Garante at atzetadu in parte su ricursu de sos donadores

Sostieni l'informazione libera e indipendente.
Supporta Cronache Nuoresi con una donazione.

 

Su Garante de sa Privacy at atzetadu in parte su ricursu de s’assòtziu “Identità ogliastrina”. S’assòtziu cheret a revocare su cunsensu a su tratamentu de sos datos a sa sotziedade “Tiziana Life Sciences” chi aiat comporadu pro 300mìgia èuros su dna de 13mìgia ogiastrinos a pustis de su fallimentu de sa sotziedade SharDna.

Su Garante at invitadu sa sotziedade “Tiziana Life” a mandare sos datos a sos interessados e “a pònnere in èssere onni mesura pro garantire sos deretos de sos interessados cando finit su secuestru fatu dae sa Procura de Lanusè” a pustis de s’inchiesta pro s’isparitzione de 27mìgia provetas dae sos laboratòrios Genos de Foghesu.

“Tiziana Life” at fatu ischire chi no at aviadu peruna atividade de chirca in sos campiones chi tenet.

S’europarlamentare Giulia Moi de su M5s, chi aiat mandadu una lìtera a Antonello Soro presidente de s’òrganu de garantzia, at naradu «Su Garante at evitadu chi una sotziedade privada cuotada in Borsa esseret pòdidu tènnere profetu dae unu patrimòniu chi tenet unu valore chi non si podet calculare».

Gianfranca Piras

© Tutti i diritti riservati

Lascia un commento