Cherides proare a gherrare pro liberare sa Sardigna dae sos invasores romanos? Lu podides fàghere a manera virtuale, gioghende a su giogu “Gherradores” aparitzadu dae Domus de Janas cun su dinari de sa lege regionale 26/1997.

Su giogu est belligheddu a beru: in antis de incomintzare tocat a si seberare un’avatar de riferimentu intre Babbai (cun 4 ogros e 4 bratzos), Bàrdia (gherradora majàrgia) e Shardan (chi gherrat cun ispada e cun arcu).

A pustis de custu, s’incomintzat a gherrare a corfos de preguntas. Su giogu acabbat cando si conchistat sa fortilesa romana (o cando sos invasores bos nch’isperdent sas trupas…).

Pro comintzare su giogu bos podides cullegare a su situ http://www.gherradores.it/#

Ispassiade·bos!

Gianfranca Piras

© Tutti i diritti riservati