Cun totu sa gente in chirca de si fàghere sos augùrios, WhatsApp s’est firmadu pròpiu su note de Annu Nou ponende malumore a totu sos chi l’impreant pro mandare messàgios lestros.
Su situ Downdetector.com narat chi su servìtziu s’est blocadu in totu su nord de Europa e in Ispagna, e chi at tentu problemas mannos finas in Itàlia. In Sardigna s’est blocadu a cara sas 7 e mesa.
No est sa prima borta chi càpitat: su 30 de santandria WhatsApp si fiat firmadu pro baranta minutos in Europa e in Nordamèrica, e comente semper sa gente s’est disisperada ca oramai sa messagìstica istantànea est una parte importante de sa vida de onni die.
Non s’ischit galu pro cale resone WhatsApp s’est blocadu ma sos utentes ant protestadu meda in Facebook e in Twitter.
Gianfranca Piras
© Tutti i diritti riservati
