Calidade de sa bida: Nùgoro est sa de 4 in Sardigna, lu narat su “Sole 24 Ore”

Nuovo

Calidade de sa bida: Nùgoro est sa de 4 in Sardigna, lu narat su “Sole 24 Ore”

martedì 28 Novembre 2017 - 20:42
Calidade de sa bida: Nùgoro est sa de 4 in Sardigna, lu narat su “Sole 24 Ore”

Nuoro, il nuraghe di Tanca Manna (foto S.Novellu)

Su Sole 24 Ore at fatu s’indàgine annuale sua pro bìdere sa calidade de sa bida in sas 110 provìntzias italianas. Pro cantu atenet a sa Sardigna, sa provìntzia in ue s’istat mègius est sa de Aristanis, a pustis benint Casteddu, Olbia-Tèmpiu, Nùgoro, Ogiastra, Tàtari, Campidanu de Mesu e a ùrtimu Carbònia-Igrèsias chi est sa nùmeru 101 in sa classìfica natzionale in ue tenet su primu postu Belluno e s’ùrtimu de totus Caserta.

Ite abbàidant pro fàghere custas classìficas? Sa richesa e cantu s’ispendet, ma finas su traballu, s’ambiente, sa seguresa, sa cultura.

Ocannu ant contadu finas cantu ispendet sa gente online, cantu ispendet in meighinas e cantos dibatimentos si bi faghet in sos tribunales.

In sas classìficas sìngulas, bidimus chi in Sardigna s’Ogiastra est sa prima pro richesa e consumos, sa Gaddura pro traballu e innovatzione, Casteddu pro ambiente e servìtzios, Aristanis pro sa seguresa (sa de tres in totu Itàlia).

Sos datos de su Sole 24 Ore, però, non torrant cun sos de sa chirca fata dae s’Universidade de Roma e publicada dae Italia Oggi. In custu istùdiu, difatis, est Nùgoro sa provìntzia in ue si bivet prus bene. A pustis benit s’Ogiastra, Tàtari, Aristanis, Casteddu, Carbònia-Igrèsias, Campidanu de Mesu.

Gianfranca Piras

© Tutti i diritti riservati

0 commenti

Lascia un commento

Il tuo indirizzo email non sarà pubblicato. I campi obbligatori sono contrassegnati *

Commenta
Sostieni l'informazione libera e indipendente di Cronache Nuoresi